Os vindeiros 3 e 4 de maio, temos unha cita na Terra de Rebolos! Estamos moi felices de poder anunciar que celebraremos a Feira de ” O mar en terra ”.

Unha feira feita con todo o noso agarimo, para por en valor á nosa cultura e ao noso patrimonio. Terra e Mar, indistintamente.

O mar en Terra, quere amosar e revalorizar o noso patrimonio marítimo, proxectos futuros e o día a día de todas aquelas persoas que traballan no mar nas diferentes vertentes.

XORNADAS CHEAS DE ACTIVIDADES

Estaremos dous días aprendendo uns dos outros con xornadas cheas de debates, música, poesía, oficios do mar, mercado de artesanía con proxectos vinculados ao mundo do mar, presentacións de libros,… E moito máis!

Se eres amante dos barcos, temos preparadas tamén exposicións cuxa temática será o mar e as embarcacións tradicionais que non te deixará indiferente.

Desfrutaremos tamén da música tradicional, con pasarrúas dos grupos Son da Ilha, De Tazas e Pandecouso.

Haberá postos de comida para que podas pasar unha xornada arredor do mundo do mar na mellor compañía, e co bandullo ben contento.

E por último, permítenos suxerirche que se nos visitas, veñas con vestimenta mariñeira. Así conseguiremos unha experiencia moito máis inmersiva e integral.

Agardámoste os días 3 e 4 de maio en Terreboredo (A Estrada).